Nemendasýningin okkar verður 30. mars kl. 18-19 í Íþróttahúsi Seljaskóla.
Æfingar hefjast kl. 15, allir fá e-mail með nánari upplýsingum þegar nær dregur.


Scrollaðu niður þessa síðu og sjáðu í stuttu máli og myndum hvað við erum að gera :)


Sigurvegarar Dugnaðarverðlauna Adidas á haustönn 2013!
Þær Wiktoria, Marý og Hrafnhildur Tinna hafa sýnt einstakan metnað í sínu dansnámi.
Þær birta upp alla tíma sem þær mæta í og hvetja aðra dansara til þess að setja meiri orku í dansinn.



Vorannar plakatið. Á myndinni eru kennarar skólans og yngri street danshópurinn.

.

.

.

Kennarar Dans Brynju Péturs með Loose Joint og Buddha Stretch í New York sumarið 2013.
Þeir hafa kennt Brynju síðan 2007 og eru báðir eftirsóttir kennarar. Stretch kom til Íslands og
kenndi námskeið ásamt því að dæma STREET DANS EINVÍGIÐ sl. haust.


Dugnaðarverðlaun Adidas
Þrír metnaðarfullir dansarar fá verðlaun fyrir að sinna dansnáminu vel og vera jákvæð í tímum,
sem smitar alltaf út frá sér :) Verðlaunin verða gefin á vor- og jólasýningu 2014 en sigurvegarar
velja sér skópar, buxur, peysu og bol að eigin vali í Adidas búðinni í kringlunni.


Hressar og skemmtilegar stelpur að bíða eftir tímanum sínum.
Dansnámið byggist á góðum grunni í Hiphop stílnum sem allir aldurshópar læra. Fjölbreytnin eykst
með aldrinum en eldri hóparnir kynnast 2-3 dansstílum á hverri önn og geta valið um áherslur.
Hjá okkur getur þú lært Hiphop, Dancehall, Waacking, Break, Popping, House ofl.


Persónulegt frelsi dansara og frjáls túlkun.
Hjarta allra street dansstílanna er 'the cypher' eða danshringurinn þar sem einn fer inn í einu og
deilir með öðrum sinni list. Við lærum grunninn og tæknina til þess að geta túlkað stílana rétt en
svo er það persónulegur stíll og flæði hvers einstaklings sem gerir heildarmyndina.



Við leggjum mikið upp úr jákvæðu hugarfari í tímum og að öllum líði vel.
Hér læra dansarar góðan grunn í fjölbreyttum street dansstílum og taka þátt í nemendasýningum sem
eru tvisvar á ári. Einnig hafa allir tækifæri á því að taka þátt í árlegu innanhúss danskeppninni okkar.
Nemendur á framhaldsstigi geta tekið þátt í STREET DANS EINVÍGINU, einu street danskeppni Íslands.



Jam sessions (danspartý) eru vinsæl meðal dansaranna okkar.
Danspartýin eru reglulegir viðburðir hjá okkur. Uppruni allra street dansstílanna er í þessu
umhverfi, þar sem fólk hittist og dansar saman. Við æfum okkur á dansgólfinu.